Í dag er Spánn konungsríki á Íberíuskaga við suðvestur Evrópu en fyrir mörgum öldum voru hinir dökku hirðingjar, Márar, sem komu frá Afríku, allsráðandi á Spáni. Sögu Spánar má þannig rekja til Afríku en víða má í dag finna þessi tengsl hvort sem er í matargerð eða t.d. handverki.

Á Spáni ríkja miklar hefðir á ákveðnum sviðum þó þær geti verið mismunandi eftir landfræðilegri staðsetningu. Verður nú lauslega getið hverjar eru helstu hefðir innfæddra á Costa Blanca svæðinu og eins helstu siðir sem gott er að vita eins og  t.d. þjórfé - nautaat - siesta - matarhefðir ofl:

Spænsk matar- og vínmenning er spennandi viðfangsefni fyrir sælkera en Spánn hefur upp á margt og mikið að bjóða þegar kemur að spænskri vín- og matargerð. Í spænskri matargerð er mikil fjölbreytni, ferskleiki og gæði og eru spænsk vín meðal vinsælustu og þekktustu vína samtímans.