Á Costa Blanca svæðinu er mikið framboð af góðum fasteignum í eigu einstaklinga til leigu. Um er að ræða allar stærðir og gerðir eigna eða allt frá litlum studíoíbúðum og upp í stór og mikil hús og ættu því allir að finna sér eitthvað við sitt hæfi. Einnig geta íslenskir eigendur fasteigna skráð eignir sínar til leigu í gegnum leiguíbúðarvef www.costablanca.is. Kannið málið hér. 

Á Costa Blanca ströndinni er mikið framboð gistirýma á hinum ýmsum hótelum af öllum stærðum og gæðum. Sóldýrkendur geta valið um að gista annars vegar við iðandi mannlíf niður við ströndina eða valið meiri rólegheit upp í landi. Hér að neðan er unnt að athuga með laust hótelrými.

Ferðaskrifstofurnar hafa í mörg ár boðið sólþyrstum ferðalöngum svokallaðar pakkaferðir þar sem í boði er flug, gisting og íslensk farastjórn. Flestir kannast við þessa tilhögun á sumarfríi sínu enda er hún aðeins í boði yfir sumarmánuðina.

Undanfarin ár hefur færst í aukana að íslensk orlofsfélög hafa annað hvort  fest kaup á eða leigt til skemmri tíma fasteignir til orlofsdvalar fyrir félagsmenn sína. Þessar eignir eru flestar á Torrevieja svæðinu og viljum við hér að neðan draga saman á einn stað upplýsingar um þau helstu orlofsfélög sem bjóða upp á orlofsíbúðir fyrir félagsmenn sína.

Íbúðaskipti er gistimöguleiki sem íslendingar hafa ekki mikið nýtt sér en okkur þykir rétt að nefna þennan gistimöguleika. Íbúðaskipti ganga út á það eins og nafnið kemur til kynna að tvær fjölskyldur í sitt í hvoru landinu hafa íbúðaskipti á heimilum sínum.