Meistaraflokkur Cartagena liðsins í fótbolta hefur standið sig ótrúlega vel í spænsku 2.deildinni í allan vetur og nú þegar aðeins 3 leikir eru eftir af núverandi leiktíð er liðið FC Cartagena í 3ja sæti deildarinnar fyrir neðan Real Sociedad og Levante en Real Betis fylgir strax í kjölfarið í 4. sæti. Það eru 3 lið sem komast úr 2. deildinni og upp í deild þeirra bestu - La Liga - þar sem þeir bestu spila. Það væri því óskandi að þetta gangi allt eftir að FC Cartagena komist upp þar sem það verður ekki slæmt fyrir Íslendinga að skella sér í 30 min akstur til Cartagena og komast á leik með stórliðum eins og Real Madrid og Barcelona. Það sem kannski ekki margir Íslendingar vita þá er eigandi FC Cartaena liðins, Paco Gomez, sem er mikill vinur okkar hjá Costablanca.is en hann bauð til að mynda um 50 íslendingum á vínbúgarð sinn árið 2007. Sjá má myndir hér. Eftir þessa vínsmökkunarferð sendi hann heilt bretti af léttvíni til Íslands og hefur hann einnig lengi viljað heimsækja Ísland. Við óskum þess innilega að langþráður draumur vina okkar í FC Cartagena rætist og að þeir spili í efstu deild á næsta leikári. Þess má og að lokum geta að liðið hefur engan alvöruheimavöll en Paco Gomez gaf út þá yfirlýsingu í upphafi þessa tímabils að ef FC Cartagena liðið kæmist upp að þá myndi hann lofa liðinu og áhengendum þess nýjan og veglegan heimavöll. Síðustu fréttir herma að allur undirbúningur er farinn af stað enda svo sem hæg heimatökin fyrir Gomez en hann er eigandi að einu stærsta byggingarverktakafyrirtæki Spánar.